Bc Caste Census Complete
Bc Caste Census Complete | రాష్ట్రంలో బిసి కుల గణన పూర్తి
ఇందులో ప్రధాన పార్టీ నాయకులు వివరాలు ఇవ్వలేదు
మంత్రి పొన్నం ప్రభాకర్
Hyderabad : రాష్ట్రం లో బిసి కుల గణన పూర్తి అయింది అని రాష్ట్ర రవాణా శాఖా మంత్రి పొన్నం ప్రభాకర్ అన్నారు. ఇందులో ప్రధాన రాజకీయ పార్టీ పెద్దలు కుల గణనలో వివరాలు ఇవ్వలేదని తెలిపారు. కల్వకుంట్ల ఫ్యామిలీలో ఎమ్మెల్సీ కవిత తప్పా ఎవరూ వివరాలు ఇవ్వలేదని స్పష్టం చేశారు. కుల గణన సర్వే కోసం వెళ్లిన వాళ్లపైకి కుక్కలని వదిలిన వారూ ఉన్నారు అని పేర్కొన్నారు. సహాయ నిరాకరణ లాగా కొందరు కావాలని వివరాలు ఇవ్వలేదన్నారు. కుల గణనపై అన్ని రాజకీయ పార్టీలు తమ స్టాండ్ ఏంటో తెలియచేయాలి సూచించారు. బలహీన వర్గాల కోసం రేపు అసెంబ్లీలో అన్ని పార్టీలు తమ వాదన వినిపించాలని కోరారు. కులగణన ఒక ఉద్యమం లాగా చేశామన్నారు. రాష్ట్రంలో ఎవరు ఎంత అనే లెక్క తేలిందని పేర్కొన్నారు. క్యాబినెట్ సమావేశంలో భవిష్యత్తు కార్యాచరణపై నిర్ణయం తీసుకుంటా మని తెలిపారు. కుల గణన చేస్తామని మాట ఇచ్చామని, ఆ మేరకు చేసి చూపించామన్నారు. కుల గణన అడ్డుకుంటే ఊరుకునేది లేదని హెచ్చరించారు. కుల గణన కోసం పోరాటం చేసిన వారందరికీ హ్యాట్సాఫ్ తెలిపారు. నిర్ణయం నుండి నివేదిక దాకా కుల గణన ప్రక్రియలో అన్నందుకు గర్వంగా ఉందన్నారు. బీసీ సోదరులందరూ రేపు ఉత్సవాలు జరపండి పిలుపు నిచ్చారు.
కేసీఆర్ రేపు అసెంబ్లీకి రావాలని కోరుకుంటున్నామన్నారు. బీసీలకు న్యాయం జరగాలని కోరుకుంటే మాజీ సీఎం కేసీఆర్ అసెంబ్లీకి వస్తారన్నారు. తాము కమిటీ రిపోర్టును బీరువాలో, ఫ్రిడ్జ్ లో పెట్టమన్నారు.
* * *
Leave A Comment