Daily Current Affairs – October 01 – 2018

బిగ్ బాస్ – 2 విన్నర్ కౌశల్

స్టార్ మాలో ప్రసారమైన తెలుగు రియాల్టీ షో బిగ్ బాస్ సీజన్ 2 కౌశల్ నిలిచారు. సెప్టెంబర్ 30న జరిగిన ఫైనల్లో కౌశల్ టైటిల్ విజేతగా.. గీతా మాధురి రన్నరప్ గా నిలిచారు. ఫైనల్ కు ముఖ్య అతిథిగా హాజరైన ప్రముఖ హీరో వెంకటేశ్.. కౌశల్ కు ట్రోఫీతో పాటు రూ.50 లక్షల బహుమతి అందజేశారు. ఈ సందర్భంగా కౌశల్ మాట్లాడుతూబహుమతి మొత్తాన్ని క్యాన్సర్ బాధితుల కోసం విరాళంగా ఇస్తానని ప్రకటించారు.

  • హీరో నాని ఈ షోకి హోస్ట్ గా వ్యవహరించారు. 2018 జూన్ 10న ప్రారంభమైన బిగ్ బాస్ – 2, 113 రోజుల పాటు జరిగింది.

జాతీయ గాంధీ మ్యూజియంలో గాంధీ హృదయ స్పందన

న్యూఢిల్లీలోని జాతీయ గాంధీ మ్యూజియంలో మహాత్మా గాంధీ హృదయ స్పందనలను ఏర్పాటు చేశారు. 2018 అక్టోబర్ 2న గాంధీ 150వ జయంతి ఉత్సవాలు ప్రారంభవుతున్న నేపథ్యంలో.. ఈ ఏర్పాటు చేశారు. గాంధీ జివించి ఉన్న రోజుల్లో వివిధ సందర్భాల్లో సేకరించిన ECG(Electro Cardio Graphy) ఆధారంగా ఆయన హృదయ స్పందనలను పునర్ సృష్టి చేశారు. డిజిటల్ మోడల్ లో వాటిని ప్రజలు వినేందుకు ఏర్పాటు చేశారు.

మధ్యప్రదేశ్ లో గోవుల మంత్రిత్వశాఖ

మధ్యప్రదేశ్ లో గోవుల మంత్రిత్వశాఖను ఏర్పాటు చేస్తూ ఆ రాష్ట్ర ప్రభుత్వం నిర్ణయం తీసుకుంది. ఈ మేరకు ఆ రాష్ట్ర ముఖ్యమంత్రి శివరాజ్ సింగ్ చౌహాన్ సెప్టెంబర్ 30న వెల్లడించారు. ప్రస్తుతం ఉన్న Madhya Pradesh Gaupalan Evam Pashudhan Samvardhan (MPGEPS) బోర్డుకి కొన్ని పరిమితులు ఉన్న నేపథ్యంలో దీని స్థానంలో కొత్త మంత్రిత్వశాఖను తీసుకొచ్చారు.

  • దేశంలో గోవుల కోసం ప్రత్యేక మంత్రిత్వశాఖను ఏర్పాటు చేసిన తొలి రాష్ట్రంగా రాజస్థాన్ గుర్తింపు పొందింది.

రష్యా గ్రాండ్ ప్రీ విజేత హామిల్టన్

2018 ఫార్ములా వన్ సీజన్ లో మెర్సిడిస్ జట్టు డ్రైవర్ లూయిస్ హామిల్టన్ 8వ టైటిల్ ను గెలుచుకున్నాడు. సెప్టెంబర్ 30న జరిగిన రష్యా గ్రాండ్ ప్రీ లో 53 ల్యాప్ ల రేసుని అందరికన్నా ముందు పూర్తి చేసిన హామిల్టన్రేసు విజేతగా నిలిచాడు. కాగా తన కెరీర్ లో ఇది 70వ విజయం.

  • మెర్సిడిస్ జట్టుకే చెందిన బొటాస్ రెండో స్థానంలో, ఫెరారీ జట్టు డ్రైవర్ సెబాస్టియన్ వెటెల్ మూడో స్థానంలో నిలిచారు.

Related posts

Subscribe
Notify of
guest
0 Comments
Inline Feedbacks
View all comments